Русинот кој беше задолжен за мобилизација на војници е пронајден обесен на ограда
Објавено во: Свет 18 Октомври, 2022
Главниот човек задолжен за мобилизацијата во Русија, Роман Малик кој имаше 49 години е пронајден мртов.
Телото е пронајдено во семејната куќа во Приморски. Малик е пронајден обесен за ограда, пренесе британски Mirror. Отворена е истрага за убиство, но и можноста за самоубиство не е исклучена.
Откако рускиот претседател Владимир Путин го потпиша указот и нареди мобилизација во септември, извештаите покажаа дека досега се регрутирани повеќе од 220.000 луѓе. Но, имаше отпор кај народот. Сведоци бевме на снимки каде народот се турка со полицијата и не сака да оди на мобилизација. Со молотови коктели имаше напади на 70 канцеларии за мобилизација. Околу 700.000 Руси избегаа во повеќе земји, како Србија, Казахстан, Турција, Белорусија за да ја избегнат мобилизацијата.
Кремљ објави дека Путин не планира да ја прекине мобилизацијата додека не се достигне бројката од 300.000 регрути. Откако почна војната во Украина, починаа повеќе видни луѓе во Русија под сомнителни околности.