Добивај вести на Viber
Романија и други земји-членки на Европската унија мора да започнат да ги покриваат трошоците за своите граѓани кои просат на улиците во Шведска, побара шведската Народна партија.
„Време е сметката да се испрати на адреса каде што треба да се испрати“, вели Лота Едхолм од шведската Народна партија. Според податоците на оваа партија, речиси 90% од просјаците на улиците во Шведска се Роми по потекло во Романија, кои ја напуштиле сопствената земја заради сиромаштија и дискриминација.
Во Шведска деновиве се води јавна дебата за зголемениот број просјаци во повеќе шведски градови и се заговара можноста земјите-членки на ЕУ да си преземат одговорност за социјално згрижување на сопствените граѓани.