Референт добил награда од 2.000 евра како возач на Министерството за култура
Објавено во: Економија 05 Јуни, 2018
Вработен во сосема друга професионална дејност добил еднократна награда од 2.000 евра како возач на Министерството за култура во 2016-та.
Државните ревизори го открија тоа во една од неправилностите при ревизијата на сметката на буџетот на Министерството за култура за 2016 година додека со него управувала ексминистерката Елизабета Канческа-Милевска.
Наодите од ревизијата покажаа дека ексминистерката за култура побарала од Министерството за финансии согласност за обезбедување 127 илјади денари во бруто износ за ангажирање возач врз основа на авторски договор за период од 1 година.
Финансии дало согласност на барањето на Канческа, но ревизијата утврдила дека лицето кое всушност било дополнително ангажирано како возач, било државен службеник и работело како самостоен референт во Секторот за општи работи.