РАЗВОДОТ СО ЕУ КОНЕЧЕН: Британскиот парламент го одобри покренувањето на Брегзит до крајот на март!
Објавено во: Свет 14 Март, 2017
Двата дома на
британскиот парламент го усвоија нацртот на законот со кој на британската влада
и се овозможува покренување на член 50 од Лисабонскиот договор за истапување на Велика Британија од Европската унија.
Предлог законот, како што се очекува, ќе добие одобрение од кралицата и утре ќе стапи на сила.
Од предлогот на законот се отфрлени два амандмани кои претходно беа усвоени од Домот на Лордовите. Домот на лордовите бараше заштита на правата на европските граѓани присутни во Велика Британија и парламентот да има последен збор за финалниот договор со Брисел, но од нив во конечната верзија на законот се откажаа.
Со усвојувањето на законот и се даваат одврзани раце на конзервативната влада на премиерката Тереза Меј официјално да покрене процедура на „развод“ од ЕУ пред крајот на март, што е краен датум кој таа претходно го одреди. Според прописите на ЕУ, преговорите можат да траат две години од моментот кога официјално се покренат.