Развиле антитела иако не биле болни - ова ги збуни научниците

Добивај вести на Viber

Научниците во Австралија се збунети откако деца развиле антитела на коронавирусот иако никогаш не биле позитивни. 

Тие развиле екстремно ефикасни антитела без никогаш да бидат позитивни на вирусот, објави РТ.

Се работи за петчлено семејство во кое двајцата родители се заразиле со коронавирусот откако биле на свадба во март без своите деца. 

Една недела по свадбата, мајката и таткото ги развиле првите симптоми, по што веднаш целото семејство е тестирано.

Но, резултатите покажале дека само родителите се позитивни и покрај близината со нивните деца.

Двата синови, на возраст од девет и седум години, развиле лесни симптоми како течење на носот, а целото семејство повторно било тестирано. И повторно, тестовите на децата биле негативни. Најмалото дете, петгодишно девојче, пак, останало целосно асимптоматско и покрај постојаниот близок контакт со родителите.

„Фактот дека овие деца биле во можност да го отфрлат вирусот дури и без да покажат позитивен резултат од тестот, сугерира дека тие имаат одредено ниво на имунолошки систем што е во состојба да одговори и ефикасно да се справи со вирусот, без да стане многу лошо“, изјави педијатарот Шидан Тосиф од Универзитетот во Мелбурн.

Истражувачите сега се сомневаат дека децата биле заразени, но нивниот имунолошки систем успеал да постави толку жестока одбрана што вирусот никогаш не се активирал правилно.