Раздвижено на берза - Десетина компании со трансфер и откуп на акции

Добивај вести на Viber

Заклучно крајот на вчерашниот ден на тргување на Македонска берза видливо е поголемо раздвижување на пазарот со акции, но од страната на самите акционерски друштва кои преземаат сопствени акции со што вложуваат во ликвидноста на компаниите и прават обиди да ги зајакнат своите позиции. 

Според податоците на Македонска берза поголема вредност е вложена во акциите на Оилко. Истргувани се 30 сопствени обични акции со право на глас со вредност од 6000 денари за една акција.

Исто така извршен е и нетрговски трансфер на акции кај десетина македонски акционерски друштва.

„Согласно податоците добиени од Централниот депозитар за хартии од вредност, ве известуваме дека на 25.01.2018 година е извршен следниот нетрговски трансфер на акции на котирани друштва: - Макстил АД Скопје –23 обични акции; - НЛБ Банка АД Скопје –140 обични акции; - Арцелормиттал Скопје (ЦРМ) АД Скопје –34 обични акции; - Уготур АД Скопје –1 обични акции; - Гранит АД Скопје –46 обични акции; - Попова Кула АД Демир Капија –13.000 обични акции; - РЖ Интер-Трансшпед АД Скопје –134 обични акции; - Арцелормиттал Скопје (ХРМ) АД Скопје –145 обични акции; - РЖ Економика АД Скопје –1 обични акции; - РЖ Услуги АД Скопје –9 обични акции; - Макпетрол АД Скопје –7 обични акции’ соопштуваат од Македонска берза.