Растот на Грција 0,0 посто
Објавено во: Балкан 09 Март, 2017
БДП на Грција стагнирал (0,0 проценти) во 2016 во однос на 2015 година, објави грчката статистичка служба ЕЛСТАТ.
„Годишната промена во 2016 е 0,0 отсто“, соопштила ЕЛСТАТ, додека Владата на Грција и нејзините кредитори претходно прогнозираа благ раст од 0,3 отсто.
Владата на таа презадолжена земја преговара со кредиторите-ЕУ и ММФ, за заклучување на договорот за продолжување на исплатата на меѓународната кредитна помош.
Доверителите бараат нови мерки на штедење за 2019 и 2020 година по завршувањето на тековниот програм на кредитна помош од 86 милијарди евра кој истекува во 2018 година.
ЕЛСТАТ во понеделникот објави податоци за четвртиот квартал на 2016 според кој БДП паднал за 1,2 отсто во однос на третиот квартал а за 1,1 отсто во однос на четвртиот квартал во 2015 година.
Грција веќе е во осмата година на непосреден надзор на своите доверители поради должничката криза и со строги мерки на штедење во замена за кредитна помош.