Добивај вести на Viber
Опасност од реката Сава го демне Белград, под вода би можеле да се најдат улиците кај Ада Циганлија и Саемот.
Сава расте од час во час и дека најкритично ќе биде денес и утре, изјави за српски Курир Сања Жугиќ, началник на управата за справување со ризик.
- Огромни количони на вода доаѓаат. Најкритично ќе биде во Обреновец, Сремска Митровица, Белград. Тешко е да се прецизираат конкретни локации. Се очекува водостој над нивото за вонредни ситуации. Коритото на Сава ќе биде како коритото на Дунав, вели таа.
Тоа го потврди и министерот Александар Антиќ.
- Србија во наредните денови ја очекува серизона драма со Сава. Ќе ја браниме Србија од Сава, рече тој.
Ситуацијата кај населбата Стар мост во Сремска Митровица, во Србија, од вечерва е исклучително алармантна, бидејќи надојдената Сава почнала да го пробива поставениот насип.
-Цела ноќ ќе дежураме, Сава не смее да се излее, тоа би била катастрофа. Сите населби долж кејот се на пониско ниво, изјавил жител на Сремска Митровица.
Неколку десетини жители на градот се обидуваат со вреќи со песок да го одржат насипот и да го запрат прелевањето на водата, но реката полека ја добива битката.