Добивај вести на Viber
Претседателот на Руската федерација, Владимир Путин, на годишната прес – конференција истакнал дека позицијата на Русија по однос на прашањето со Украина е подполно исправна, но дека западните „партнери“ и по падот на Берлинскиот ѕид продолжуваат да подигаат нови барикади без оглед на обидите на Русија да соработува со Европа и светот.
„Западните партнери сметаат дека тие се „империја“, а сите останати „вазали“. Не престанаа со подигање ѕидови наспроти сите наши обиди да соработуваме со Европа и светот“, истакнал Путин.
Според него, било каков чекор и да направи Русија, тој секогаш наидувал на спротиставувања од страна на западните партнери.
Кога станува збор за ситуацијата во Украина, Путин нагласил дека доколку Киев е заинтересиран за мир, тогаш мора да ги признае и интересите на граѓаните на Донбас, како и дека Русија е подготвена да биде посредник за почеток на дијалогот во Украина.
„Кризата во Украина мора да биде решена со политички средства“, нагласил Путин, додавајќи дека Русија ќе продолжи да му помага на Донбас.
Според Путин економската блокада на овој регион е пат без перспектива.
Според зборовите на рускиот претседател, во Украина се борат доброволци, а тие не се платеници.
Тој, исто така, истакнал дека Москва не се сомнева во намерата на украинскиот претседател да ја нормализира ситуацијата во Украина, но додал дека тој не е единствен во земјата и дека се слушаат гласови за решавање на проблемите со потсредство на сила.