Добивај вести на Viber
„Тие сакаат мечката да седи мирно и да си јаде мед, па да може да ја врзат со синџир и да и ги извадат забите и канџите, а прашањето е дали ние сакаме нашата мечка да биде плишано мече“, одговорил претседателон на Русија, Владимир Путин, на прашањето дали моменталната ситуација во земјата е резултат на кризата на Крим.
Притоа Путин не именувал на кого мисли кога рекол „Тие“, ниту пак пошироко објаснил на што мисли кога говори на оваа тема, но претходно нагласил дека сака „партнерите да сватат дека најдобар пат за светот е да се запре со изградба на ѕидови и да се изхради обединет хуманитарен простор“.
Рускиот претседател во уводниот дел од годишната пресконференција, за која се очекува дека по обичај ќе биде маратонска, говорел за економската ситуација во Русија и која одбил да ја нарече кризна, по што следуваа голем број прашања поврзани со Украина.
Путин избегнал да даде одговор на директно прашање на украински новинар за руската интервенција на истокот во Украина, а не одговорил ни на прашањата колкав број руски трупи има на територијата на Украина, колкави количини оружје се испратени и колку лица загинале од почетокот на конфликтот.
Наместо одговор, тој говорел за симнување на режимот во Киев и за „доброволците“ кои се наоѓаат во првите редови на фронтовите во источна Украина.
„Кризата мора да биде разрешена по политички пат и во согласност со основните меѓународни принципи, каде спаѓа и правото на самоопределување. Нема сомнеж дека претседателот на Украина сака решение но тој не е единствената личност таму. Слушнавме и такви кои рекоа дека сакаат да војуваат до крај. Верувам дека што е можно побрзо треба да се разменат заробениците, со цел тие пред празниците да се вратат во своите домови“, рекол рускиот претседател.