Путин: Банката на „БРИКС“ ќе ги финансира енергетски проекти од догодина
Објавено во: Свет 09 Јули, 2015
Новата банка за развој на „БРИКС“ ќе проработи од следната година, тогаш таа ќе почне да ги финансира енергетските проекти. Тоа го изјавил рускиот претседател Владимир Путин за време на средбата на лидерите од „БРИКС“ во рускиот град УФА.
Земјите од групата Бразил, Русија, Индија, Кина и Јужна Африка, кои претставуваат 40% од светското население, се согласија во 2013 година да се создаде банка за развој, чиј капитал ќе е во износ од 100 милијарди долари.
„Новата банка за развој ќе ги финансира големите транспортни, енергетски и проекти за индустриски развој“, изјавил Путин по разговорите со лидерите на земјите.
Според Путин првиот финансиран проект ќе стартува од следната година.
„Почнавме консултации во нашите бизнис кругови и до сега сме поставиле 50 проекти и деловни иницијативи на патоказот“, додал уште претседателот.
Во исто време тој изјавил дека земјите од Унијата се загрижени од променливоста на финансиските пазари и цените на нафтата.
„Ние сме загрижени за нестабилноста на пазарите, поголемиот дел од променливоста на цените на стоките и енергијата, како и на акумулацијата на државниот долг од голем број земји“, изјавил шефот на државата, цитиран од „Ројтерс“. Путин додал дека „овој недостаток на рамнотежа влијае брз стапките на раст во нашите економии“.