ПРВО МУ СЕ ЗАКАНИ НА МИЦКОСКИ, ПА СКАНДИРАШЕ „УЧК“ СРЕДЕ ПЛОШТАД „МАКЕДОНИЈА“: Еве каква порака му упати Ахмети на лидерот на ВМРО-ДПМНЕ
Објавено во: Македонија 22 Април, 2024
Лидерот на ДУИ, Али Ахмети вчера на митингот на плоштадот „Македонија“, порача дека лидерот на ВМРО-ДПМНЕ, Христијан Мицкоски бил пораснат со гурабии и кекси.
Тој му порача да пази што зборува бидејќи уште е млад и устата млеко му вадела.
„Јас патував малку подолго и одвај чекав да дојдам тука кај вас за да му кажам неколку зборови на Христијан Мицкоски. Христијан Мицкоски е пораснат со гурабии, Христијан Мицкоски е пораснат со кекси (бисквити). Јас сум пораснат во кула од камен што три пати е изгорен од поробувачите. Христијан, народот мој вели дека камен по камен се гради тврдината, збор по збор започнува бељата, не започнувај беља (проблем). Не започнувај беља и бирај ги зборовите, уште си млад и устата млеко ти вади“, порача Ахмети.
По овој негов говор, неговите поддржувачи почнаа да скандираат „Учк“, по што им се продружи и тој од говорницата.
ВИДЕО:Скопје1