Добивај вести на Viber
Шефицата на европската дипломатија Федерика Могерини ја испрати веројатно својата прва остра порака откако ја презеде функцијата - на Русија и порача да го држи Балканот подалеку од тензиите што се случуваат во релациите меѓу Брисел и Москва.
„Очигледно е дека сега постојат тензии во односите меѓу Европската унија и Руската Федерација. Но мислам дека е во интерес на двете страни да пронајдеме и да развиваме патишта за соработка, а не за конфронтации. Би била добра идеја Западниот Балкан да се држи надвор од таа динамика и таквото размислување и очекувам од сите во руското раководство да гледаат на тоа на ист начин“, рече Могерини.
Могерини спораката ја упати од Сараево, каде што беше во посета заедно со новиот комесар за европско соседство и преговори за проширување Јоханес Хан.
На политичарите во БиХ таа им нагласи дека ЕУ очекува конкретни чекори и оти целта на нејзината посета е да покажат посветеност на Европската унија кон евроинтеграцискиот пат на таа земја.