Протест на сопствениците на педалинки
Објавено во: Економија 30 Мај, 2018
Сопствениците на педалинки за изнајмување во Струга се собраа на мирен протест за да го искажат незадоволството од забраната за употреба на овие пловни објекти во Охридското езеро донесено од страна на локалната самоуправа.
Ќе се жалат и до Уставниот суд, за што веќе собираат и потписи за петиција која деновиве ќе ја достават до судот.
„Ние овде доаѓаме за егзистенција. Има луѓе кои чекаат да дојде сезоната за да може да ја поминат зимата“, рече за „Алсат“ Бојан Блажевски- издавач на педалинки.
„Не барам милостина од некого или некој да ми поклони нешто. Барам дозвола да работа со педалинки бидејќи живеам под кирија. Моите ќерки ми купија три педалинки и ги зедоа на кредит“, реагираше Мимоза Мојсоска- издавач на педалинки.
„Тие велат дека има давеници во езерото. Но, давеници има и во реката Дрим и на други места околу езерото. Тоа не значи дека само од педалинките се случуваат несреќни случаи“, вели Ненад Гучески-сопственик.
Истата одлука, велат тие, не се применува во Охрид, Преспа, Дојран или на Дебарското езеро.
Градоначалникот Рамиз Мерко вели дека одлуката е конечна и дека на сопствениците ќе им биде даден рок од неколку дена да ги отстранат педалинките. Доколку тоа не го сторат, тогаш тоа ќе го сторела општината.
Можеби ќе ве интересира
Можеби ќе ви помогне ако патувате во Европа: Еве каде се највисоки а каде најниски цените на горивото
ВУЧИЌ Е ЗАДОВОЛЕН: Koлку работници се вработени во српските фирми преку „Отворен Балкан“?
АЗЕСКИ: Господ да му е на помош на тој што ќе донесе милијарда евра
ФАКТОР АНАЛИЗА: Скап ли е такси превозот во Скопје? Колку заработуваат најпопуларните компании?
ВАЖНО: Граѓани, проверете ја вашата даночна пријава за 2023 година
АЗЕСКИ СЕ СРЕТНА СО МАЈК ЗАФИРОВСКИ: Потребно е запирање на сивата економија
„ДА СЕ КРАДЕ ОД БУЏЕТОТ 32 ГОДИНИ, НА НАМИЛОСРДЕН НАЧИН, И ДА НЕ МОЖЕ ДА СЕ СПРЕЧИ...“: целиот разговор со Бранко Азески на „Бизнис муабети“
„СО БРАНЕ И РИЛИНД НЕ СЕ ПЛАШЕВ ОД НИТУ ЕДНА БИТКА“ - средба на Тевдовски со некогашните соработници
