Просечната плата во јули била 352 евра
Објавено во: Економија 29 Септември, 2015
Просечната месечна нето плата по вработен во јули изнесувала 21.861 денар (352 евра) и во однос на јули минатата година е поголема за 2,4 одсто, соопшти Државниот завод за статистика.
Тоа зголемување е последица воглавно на порастот на просечната нето заработка исплатена по вработен во секторите „уметност, забава и рекреација“ кои скокнале 11 одсто, потоа во секторот “останати услуги“ за 9,9 одсто и „вадење руда и камени“ за 4,6 одсто.
Интересно е дека во секторот „уметност, забава и рекреација“ во однсо на претходниот месец е забележано намалување на платата за 10,2 одсто.
Помали плати во однос на овогодинешниот јуни имале и вработени во секторите на „Трговија на големо и малопродажба“ и „Поправка на моторни возила и мотоцикли“ и тоа за 4,2 одсто, а во „јавната управа и одбрана“ и во „задолжително социјално осигурување“ платите на месечно ниво се намалени за 4,2 одсто.
Според податоци на ДЗС просечната месечна бруто плата по вработен во јули изнесувала 32.145 денари. Во тој месец плата не добиле 1,7 одсто од вработените.