Промени во законот во Франција, секс со дете под 15 години ќе се смета за силување
Објавено во: Свет 05 Март, 2018
Министерката за рамноправност на половите, Марлен Скијапа Франција,
изјави дека ќе донесе закон кој ќе
пропише дека полов однос со малолетници помлади од 15 години автоматски се
смета за силување.
Сѐ додека законски дозволената возраст за полови односи со согласност е 15
години, обвинителите мора да докажат дека немало согласност за да обезбедат
пресуда за силување.
Реформата, дел од новиот закон за борба против половата агресија, се донесува по случајот во кој маж од доцните 20-ти години беше ослободен од обвиненијата за силување по полов однос со 11-годишно девојче поради немање докази за присила.
„Предлог законот ќе содржи одредба со која ќе се пропише возрасна граница по која ќе се смета дека детето било присилено“ на полови односи“, изјави француската министерка, додавајќи дека границата ќе биде 15 години.
Ова денес го изјави Скијапа во интервју во кое зборуваше за предлог-законот кој ќе биде испратен во парламентот на усвојување откако ќе го одобри владата.