03 Август, 2021
0.0197

ПРОФЕСОРОТ ТРАЈКОВСКИ ПРЕДУПРЕДУВА: Навреме да се порачаат ПЦР реагенси за индискиот сој

Објавено во: Македонија 14 Јуни, 2021

Професорот Дејан Трајковски ги предупредува нашите здравствени власти дека треба навреме да порачаат ПЦР реагенси за детектирање на индискиот сој, бидејќи, како што вели, тој потешко се открива со обичните реагенси. 

Еве го статусот на професорот Дејан Трајковски.

После пробивањето на нагорната линија на трендот (црвената линија на вториот дијаграм) се чинеше дека ништо не може да го сопре намалувањето на бројот на активни случаи до нула, при минимален раст на вкупниот број на случаи (сината линија на истиот дијаграм). Сепак, темносината линија веројатно тука некаде ќе сопре со намалувањето и кривата извесно време ќе изгледа како замрзната.

Ако го погледнеме истиот тој фазен портрет I-T (активни наспроти вкупно случаи), но во зголемен размер, на третата слика, забележуваме дека практично повеќе нема намалување на бројот на активни случаи, при бавен раст на бројот на активни случаи. Тоа е темпото на спорадичното заразување, коешто моментално изнесува околу 13 случаи за 14 дена на 100.000 жители. Со истото темпо (како на додавањето нови случаи) се завораат старите случаи, поради што бројот на активни случаи стагнира. Не се забележува доцнење во затворањето на случаите и моментално просечното време изнесува околу 18 дена, што е во границите на нормалното.

Ефективниот репродукционен број неделава е само минимално под единица, што значи дека имаме проста репродукција, односно приближно константни (во просек) дневни бројки на нови случаи.

Следејќи го бројот на хоспитализираните (жолтата линија на четвртиот дијаграм), забележуваме дека и овој број речиси пристигнал до долното плато, со просечно стотина активно хоспитализирани.

Засега ништо алармантно и се уште ништо не укажува на зголемување на бројките. Сепак, најдобронамерно би им препорачал на нашите здравствени власти да порачаат ПЦР реагенси за индискиот сој на вирусот SARS Cov2 v. B.1.617 "Delta" (на пример од компанијата Шимидзу или други), бидејќи пристигнуваат информации од светот дека со постоечките реагенси ПЦР тестовите не го детектираат овој подмолен сој. Да биде неволјата уште поголема, Делта сојот директно слегувал во белите дробови и потешко се детектирал со брисеви од назофарингеалната (носно-ждрелната) шуплина, кадешто пократко се задржувал.

Ако е вистина, како што тврдат британските експерти, дека преносливоста на индискиот „Делта“ сој е за 40 отсто - 60 отсто (!) повисока од преносливоста на британскиот „Алфа“ сој, тоа би значело дека неговиот базичен репродукционен број R0 изнесува 5 - 6. Со толку висока преносливост, дури и под најоптимистичка претпоставка дека моменталниот степен на колективен имунитет изнесува околу 60 отсто (за која моите проценки - врз основа на стапката на серопреваленција - кажуваат дека е претерана и не изнесува повеќе од 40 отсто), неминовен е нов бран, се додека стапката на прележаност не го достигне новото ниво на колективен имунитет од 84 отсто (1-1/R0 = 1 - 1/6 = 84 отсто).

За опасноста од нов бран во Европа предупредува и Светската здравствена организација, а тие проценките не ги даваат туку-така, од ракав. Поради доаѓањето на летото, моменталната преносливост на вирусите во Македонија е прилично намалена, па веројатно нема да видиме брзо ширење на вирусот „Делта“ како во Велика Британија. Меѓутоа, со доаѓањето на есента, особено доколку стапката на вакцинираност остане на овие ниски нивоа, нов бран ќе биде неминовен. Заканата од новиот сој „Делта“ треба да се сфати крајно сериозно, а здравствените власти заедно со населението да побрзаат со процесот на вакцинација ако не сакаат зимава повторно да живееме под рестриктивни мерки. За страдањата и смртните случаи да не зборуваме - доволно е да се потсетиме на сликите од индиските болници.

Можеби ќе ве интересира

КОВИД СТАТИСТИКА: 23 Оздравени пациенти, нема починати, новозаразени 37

КОВИД СТАТИСТИКА: 23 Оздравени пациенти, нема починати, новозаразени 37

МИЦКОЦКИ СЕ СРЕТНА СО ВУЧИЌ - мини Шенген не е алтернатива на ЕУ, туку начин на премостување на бариерите

МИЦКОЦКИ СЕ СРЕТНА СО ВУЧИЌ - мини Шенген не е алтернатива на ЕУ, туку начин на премостување на бариерите

(ФОТОГАЛЕРИЈА) МЕЃУ ДЕЛЧЕВО И ПЕХЧЕВО УШТЕ ГОРИ: Зафатена е цела Средна Планина во радиус од 5 километри, армијата и денеска е во месноста Пасјак

(ФОТОГАЛЕРИЈА) МЕЃУ ДЕЛЧЕВО И ПЕХЧЕВО УШТЕ ГОРИ: Зафатена е цела Средна Планина во радиус од 5 километри, армијата и денеска е во месноста Пасјак

ПРЕД ВЛЕГУВАЊЕ ВО ВОЗИЛО, ПРВО ЗАДОЛЖИТЕЛНО ДА ГО ПРОВЕТРИТЕ - утре и задутре портокалова фаза, МЗ со препораки

ПРЕД ВЛЕГУВАЊЕ ВО ВОЗИЛО, ПРВО ЗАДОЛЖИТЕЛНО ДА ГО ПРОВЕТРИТЕ - утре и задутре портокалова фаза, МЗ со препораки

Стојанче Ангелов: Нема прогласување на вонредна состојба, хеликоптерот можеше да се сруши

Стојанче Ангелов: Нема прогласување на вонредна состојба, хеликоптерот можеше да се сруши

Скопјанецот кој усмрти пешак го менувал ветробранското стакло и го измил возилото откако побегнал

Скопјанецот кој усмрти пешак го менувал ветробранското стакло и го измил возилото откако побегнал

КОМАНДИРОТ НА ТППЕ КОЧАНИ ЗА ФАКТОР: Поради високите температури пожарот беше како темпирана бомба

КОМАНДИРОТ НА ТППЕ КОЧАНИ ЗА ФАКТОР: Поради високите температури пожарот беше како темпирана бомба

ГОСТИВАР, ДЕБАР, ТЕТОВО ИМААТ ПОМАЛКУ ОД 20 ОТСТО: Табела на градови-каде интересот за вакцинација е најмал, а каде наголем

ГОСТИВАР, ДЕБАР, ТЕТОВО ИМААТ ПОМАЛКУ ОД 20 ОТСТО: Табела на градови-каде интересот за вакцинација е најмал, а каде наголем

Целосна забрана за движење на Водно и Скопска Црна Гора

Целосна забрана за движење на Водно и Скопска Црна Гора