Професорот кој предвиде дека Трамп ќе победи му предвидува и импичмент
Објавено во: Свет 17 Ноември, 2016
Професорот по историја Алан Лихтман беше еден од ретките кој успешно предвиде дека Доналд Трамп ќе стане 45-от претседател на САД иако сите анкети го тврдеа спротивното. Сега Лихтман предвидува и како ќе заврши неговиот мандат, а тоа е со импичмент од страна на американскиот Конгрес.
Целиот свој живот Трамп ги изигруваше законите и правилата, тој водеше нелегална добротворна организација во Њу Јорк и правеше нелегални донации за кампањата. Го искористи здружението за своите бизнис долгови, па треба да се соочи со законот за Рекетарство и корумпирани организации, посочува Лихтман.
Професорот точно ги предвидуваше победниците на американските избори од 1984 па наваму преку свој систем на оценување, но за Трамп не можел да состави реални податоци бидејќи кандидатот често ги менуваше своите позиции и постојано запаѓаше во контроверзни скандали.