Продавница за храна - плаќаат колку мислат дека треба
Објавено во: Економија 07 Февруари, 2017
Во германскиот град Келн во саботата е отворен првиот супермаркет во земјата во кој се продава храна што инаку би завршила во смет.
Продавницата „Добра храна“ продава речиси сè, од зеленчуци до пиво. Овие производи ако не се продаваат таму, би биле фрлени или уништени од трговците.
На полиците нема цени – купувачите плаќаат толку колку што мислат дека вреди производот. Продавачите треба да ги известат купувачите кога истекува рокот за употреба, а продавницата е подготовена дури и да преземе законска одговорност ако некој се затруе.
Организацијата за храна и земјоделство (ФАО) на Обединетите нации проценува дека околу една третина од произведената храна не се консумира или се фрла, а цената за тоа е 850 милијарди евра на светско ниво годишно.
Ова е трета ваква продавница во Европската Унија.Вакви продавници има во Копенхаген во Данска и во Велика Британија.
Овие продавници имаат за цел создавање општество со минимално фрлање на храна.