Прилепчанец со боксирач ја уби својата баба
Објавено во: Македонија 14 Април, 2017
М.М.(30) од Прилеп синоќа ја убил својата баба.
Околу 23.00 часот во Прилеп на ул.„Борка Медаро“, во куќата на К.М. (79), нејзиниот внук М.М. влегол во нејзината спална соба и со перница се обидел да ја задуши. Истата се разбудила, почнала да дава отпор и успеала за момент да го оттргне од себе. Потоа М.М. извадил метален боксирач и неколку пати ја удрил во пределот на главата, по што таа починала. По еден час од настанот М.М. сам се пријавил во ПС Прилеп.
Смрт е констатирана од страна на екипа од Итна медицинска помош, а увид на местото на настанот извршиле Јавен обвинител и екипа од ПС Прилеп.
По предлог на обвинителот, судијата на претходна постапка на осомничениот со Решение му одреди мерка – Притвор во траење од 30 дена.