Претходната влада им плаќала на странските инвеститори по 11 000 евра за работно место
Објавено во: Економија 13 Септември, 2017
Над 225 милиони евра им биле дадени на 25 странски инвеститори, компании кои вработиле 20 илјади лица во изминатите 10 години додека власта ја управуваше ВМРО ДПМНЕ.
Ова денеска го изјави портпаролот на Владата Миле Бошњаковски кој пред јавноста го соопшти сумираниот резултат по декласификацијата на договорите склучени во затворен круг и кои како што рече портпаролот биле затворени за јавноста и кои го игнорирале македонското стопанство.
Поранешната влада во просек потрошила по 11 000 евра по едно работно место. Бошњаковски истакна дека повеќето од овие вработувања не биле нови вработувања туку биле работници преземени од македонското стопанство.
Бошњаковски потенцираше дека не постоел документ со јасни критериуми за преговарање а преговорите ги вршеле министри, советници и промотори без никакви критериуми.
„Кога ги завршувале овие преговори Владата на Никола Груесвки ги класифицирала договорените работи односно ја обезбедувала тајноста на истите. Со тајните преговори некои од компаниите на странските инвеститори добивале повеќе а некои помалку“, рече Бошњаковски кој посочи дека сите овие договори се уште се во важност и дека новата Влада ќе ги исполни сите обврски и должности кон странските инвеститори.
Портпаролот информираше и дека претходната влада потрошила 26 милиони евра кеш во неповратни грантови.
Можеби ќе ве интересира
ПОРАДИ ЕНОРМНА ПОБАРУВАЧКА ОД РУРАЛНО ВО БИЗНИС СЕЛО - растечката индустрија на перики поттикна промени во источна Кина
ТОП 5: Продадоа најмногу струја во Македонија, двајца трговци се новоетаблирани од Албанија
КЕЛНЕРИ ВО ХРВАТСКА: Реална ли е платата од 2.000 евра?
НЕВРАБОТЕНОСТ ВО ЕУ: Koи земји се со најниска стапка?
РАСТАТ ЦЕНИТЕ И ВО УГОСТИТЕЛСТВОТО - најмногу поскапеле ноќевањата, но и храната во рестораните
САМИТ НА МАКЕДОНИЈА2025 НА 15 И 16 МАЈ – ФОКУС НА ИНИЦИРАЊЕ ПРОМЕНИ И ИНОВАЦИИ ВО ЈУГОИСТОЧНА ЕВРОПА
НАЈБОГАТИОТ ЧОВЕК НА СВЕТОТ ИМ ОБЈАВИ ВОЈНА НА ГИГАНТИТЕ СО КАРТИЧКИ: Доста е!
ИНФЛАЦИЈАТА ПОВТОРНО ВИСОКА - на годишно ниво е забележан раст од 4 проценти, еве каде има најголемо поскапување
