15 Август, 2020
0.0212

Премиерот Заев ја предводи владината делегација на Самитот на НАТО во Лондон

Објавено во: Македонија 02 Декември, 2019

Премиерот Зоран Заев ќе ја предводи делегацијата на нашата земја, во чиј состав се и заменичката на претседателот во Владата и министерка за одбрана, Радмила Шекеринска, заменик претседателот во Владата за европски прашања, Бујар Османи и министерот за надворешни работи, Никола Димитров, на Состанокот на лидерите на НАТО во Лондон на 3 и 4 декември, со кој одбележува 70 годишнината од постоењето на Алијансата, соопшти Владата. 

Централно место во програмата е Состанокот на Северноатлантскиот совет (NAC) на шефовите на држави и/или на влади во среда на 4 декември, на кој ќе учествува и премиерот Заев, со што Северна Македонија ќе биде претставена на највисоко ниво во работата на телата на Алијансата, откако во февруари оваа година беше потпишан Протоколот за членство на Северна Македонија во Алијансата што досега го ратификуваа 28 членки на НАТО. 

„Со учеството на состанокот на лидерите на земјите членки, Северна Македонија ја потврдува определбата за целосно споделување на принципите за заедничка безбедност и за градење силни трансатлантски односи со најмоќната воена и политичка алијанса заснована на демократски вредности, како основа за заеднички просперитет и за напредок на земјите членки“, велат од Владата. 

Скорешното полноправно членство во НАТО е реализација на стратешката цел на нашата земја зацртана со консензус во 1993 година и овозможува идеални услови за зајакнат и забрзан економски развој. 

Претседателот на Владата,Зоран Заев утре (вторник, 3 декември), ќе учествува и на панелот „Разговори – Одбрана и превенција за новата ера“, во рамките на конференцијата „НАТО се ангажира: Иновирање на Алијансата“ ("NATO Engages: InnovatingtheAlliance"). 

Покрај премиерот Заев на панелот говорник е и претседателот на Полска, Анджеј Дуда. 

Премиерот Заев и членовите на делегацијата на Владата на Северна Македонија, за време на дводневниот самит на НАТО во Лондон ќе остварат и повеќе билатерални средби. 

Претседателот на Владата, Зоран Заев е поканет и на прием кај Кралицата Елизабета во Бакингемската Палата, што се приредува за сите делегации, во чест на состанокот на лидери на НАТО, како и на вечера за шефовите на држави и/или влади што ја приредува премиерот на Обединетото Кралство, Борис Џонсон.


Можеби ќе ве интересира

СДСМ: Се работи на хармонизација на програмите и кадровските решенија со ДУИ

СДСМ: Се работи на хармонизација на програмите и кадровските решенија со ДУИ

Емилија конечно го гушна своето чедо: По кардиохируршката операција во „Аџибадем Систина“ предвреме родениот Василиј си замина дома

Емилија конечно го гушна своето чедо: По кардиохируршката операција во „Аџибадем Систина“ предвреме родениот Василиј си замина дома

„Медена земја“ денеска на турската национална телевизија

„Медена земја“ денеска на турската национална телевизија

Повикан во полиција малолетник кој палел шума и се снимал на „Тик-Ток“

Повикан во полиција малолетник кој палел шума и се снимал на „Тик-Ток“

Комората на психолози е за онлајн настава

Комората на психолози е за онлајн настава

Таравари: Има договор за Влада, сега се прави само театар

Таравари: Има договор за Влада, сега се прави само театар

Адвокатот Спасе Скорниев ќе тужи затоа што полицаец му ја пцуел сестрата што работи во Влада

Адвокатот Спасе Скорниев ќе тужи затоа што полицаец му ја пцуел сестрата што работи во Влада

Љупчо Николовски и Артан Груби главни „ѕвезди“ во преговорите викендов

Љупчо Николовски и Артан Груби главни „ѕвезди“ во преговорите викендов

Од денеска Македонците со тестови во Црна Гора и Србија

Од денеска Македонците со тестови во Црна Гора и Србија