Прегазиле полицаец што мерел со радар: Приведени млади скопјани
Објавено во: Македонија 26 Септември, 2020
Полицијата уапсила двајца млади скопјани кои претходно нападанле нивен колега.
МВР соопшти дека дека вчера полициски службеници ги лишиле од слобода А.Д.(19) и К.М.(21), двајцата од Скопје. Тие околу 01.00 часот на булеварот „Борис Трајковски“ со возило „цитроен берлинго“, кое го управувал А.Д., а сопатник бил К.М., удриле и повредиле полициски службеник кој во тоа време мерел со радар, по што побегнале од местото.
„По преземени мерки тие биле пронајдени и приведени во полициска станица. По целосно документирање на случајот против нив ќе биде поднесен соодветен поднесок. Повредениот полициски службеник бил пренесен во Комплекс клиники „Мајка Тереза“ за укажување на лекарска помош, стои во соопштението.
Увид извршила екипа од СВР Скопје.