Практична работа во интернационални компании
Објавено во: Мои пари 14 Мај, 2016
16 млади од Прилеп имаа можност да учат и се стекнат со двонеделна практична работа на работно место во Грција, Хрватска, Португалија и Англија како дел од интернационални компании. За време на престојот во странство, средношколците од Прилеп имаа практична настава и ги развиваа своите вештини во полето на маркетинг менаџментот, преку методи коишто се користат во неформалното учење, практична работа во Центри за стручно образование и интернационални компании во државите кои се партнери на проектот. Проектот “Ние можеме и ние ќе го направиме тоа“ е дел од програмата Еразмус + на Европската комисија и го имплементираат партнери од 5 различни држави и тоа Македонија, Португалија, Англија, Грција и Хрватска.
Младите од Прилеп ги унапредија своите професионални вештини преку проектот „Ние можеме и ние ќе го направиме тоа“ која има за цел да ја поттикне синергија помеѓу формалното и неформалното образование и вработувањето на младите промовирајќи ги неформалните образовни институции како место за практична настава стекната во формалните образовни системи. Во рамките на успешното завршување на проектот и практичната настава, организаторот и еден од партнерите на проектот, Младински Совет Прилеп им додели Europass Mobility сертификати, на лицата, кои беа на пракса во Португалија, Англија, Грција и Хрватска, и се стекнаа со практични вештини на работни позиции во интеркултурна работна атмосфера.
Марија Ѓорѓиоска - пракса во Хрватска „Ние ги согледавме разликите помеѓу формалното и неформалното образование и се здобивме со меѓународна пракса на која што го искористивме нашето знаење од средното економско училиште.“
Филип Богданоски - пракса во Португалија “Го искористивме нашите теоретски знаења од средното образование во маркетинг- менаџмент секторот и го спроведовме во текот на нашата меѓународна пракса. Ги проширивме своите погледи во однос на маркетингот во Европските фирми каде што работевме.”
Подобрување на вработливоста на младите луѓе и побрза транзиција од образование кон пазарот на трудот беше основна цел на двонеделната посета на 4 Европски земји од страна за 16 млади, штотуку завршени средношколци, од Економското училиште „Кузман Јосифовски Питу“ од Прилеп.Проектот “Ние можеме и ќе го направиме тоа” е подржан од Еразмус+ програмата на Европската Комисија.