Позната банката што ќе ја финансира изградбата на новата Градска болница
Објавено во: Финансии 01 Јуни, 2018
Банката на Советот на Европа ќе ја финансира изградбата на новата Градска болница која ќе превземе неколку клиники и ќе се гради кај Мајчин дом во скопската населба Аеродром.
Министерот за здравство Венко Филипче денеска информира дека пред две недели ги финализирале работите за кредитната линија со банката на Советот на Европа за изградба на новиот Клинички центар.
„Заеднички заклучивме дека е потребно делот за Клиничкиот центар во Скопје да се откаже, а понатаму да аплицираме за нашиот нов концепт. Тоа и го направивме. На крајот на месецов е закажан нов состанок со претставници на банката за дополнително кредитирање за новиот Клинички центар и во наш план е нова болница на местото на сегашниот Мајчин дом“, рече Филипче, одговорајќи на новинарско прашање по отворањето на Сензорната соба во Заводот за рехабилитација на слух, говор и глас во Скопје.
Филипче појасни дека Мајчин дом е место каде можат да се изградат 19.000 метри квадратни и смета оти е најсоодветно за да се префли старата Градската болница, која се наоѓа спроти Собранието на РМ изафаќа простор од околу 5.000 метри квадратни.