ПОСКОРО ОД ШТО СЕ ОЧЕКУВАШЕ: Газпром пресече -гасот од „Турски тек“ ќе протече еве кога и каде
Објавено во: Економија 22 Ноември, 2018
Руската компанија „Газпром“ донела одлука гасоводот „Турски тек“ да ја продолжи својата траса низ Бугарија, Србија, Унгарија и Словачка. Во тие земји се подготвени сите процедури за таа работа, пишува рускиот весник „Комерсант“.
Како што се наведува, првите испораки на гас во Бугарија и Србија ќе почнат во 2020 година, до Унгарија рускиот гас ќе стигне само година дена подоцна, што ќе и овозможи на руската компанија до 2022 година целосно да ја запре испораката на „синиот енергент“ преку Украина.
„Комерсант“ укажува дека таканаречениот „Јужен тек“ кој ЕУ го запре уште во 2014 година било под притисок на САД.
Како се оценува, овој пат ќе биде драстично покомплицирано влиајнието на проектот да се запре, бидејќи „Гаспром“ целосно ги почитува законите на Европската унија.
Иако Грција исто така е во план да се приклучи кон тој гасовод, како што оценува весникот, уште не е најјасно како ќе изгледа тоа.
Се претпоставува дека Грција ќе се спои на тој крак преку Бугарија или азербејџански гас ќе го замени рускиот гас откако ќе биде завршена изградбата на гасоводот „ТАП“, што е исто така планирано за 2020 година.