ПОРАДИ ЗЕМЈОТРЕСОТ ПУКАА ЅИДОВИ И ВРАТИ ВО СИРИСКИ ЗАТВОР: Избегаа најмалку 20 борци на ИСИС
Објавено во: Свет 07 Февруари, 2023
Како што објави Франс прес, повеќе од 20 џихадисти побегнаа од затвор во Сирија по силниот земјотрес. Земјотресот со јачина од 7,8 степени според Рихтеровата скала, по кој следуваа десетици афтершокови направи штети во објектот. Поради потресот, пукаа ѕидови и врати.
Во затворот, има и борци на курдските сили.
„Околу 2.000 затвореници издржуваат казна во затвор во градот Рајо, во близина на турската граница, од кои за 1.300 има сомнежи дека се борци на Исламска држава. Затворениците почнаа да се бунтуваат и презедоа контрола врз делови од затворот. Околу 20 затвореници побегнаа, за кои се верува дека се милитанти на Исламска држава“, додаде службеник во затворот.
Сирија денеска ги повика Обединетите нации да помогнат со спасувачки напори, здравствени услуги, засолништа и донации во храна.Сирискиот Црвен крст ја повика Европската Унија да ги укине санкциите против Дамаск по разорниот земјотрес, во кој загинаа повеќе од 1.600 луѓе Сиријци.