Поради пасивност на Владата, Струмица не може да обезбеди поевтин гас против загадувањето
Објавено во: Економија 24 Јануари, 2019
Општина Струмица не може да обезбеди поевтин гас со повластена даночна стапка во снабдувањето на фирмите и граѓаните, поради пасивноста на Владата во одобрувањето на оваа одлука.
Иницијативата била поднесена до Владата пред два месеци но одговор од таму се уште немало, бидејќи станувало збор за процедура за која е потребно време, но и измена на законот за данокот на додадена вредност, објави Телма.
Цената би се намалила со откажување од стапката на ДДВ од 18 отсто и нејзино симнување на само пет отсто, но тоа не било можно за оваа грејна сезона, па за тоа останува да се почека до следната доцна есен до кога треба и Владата да одлучи.
Со оваа мерка гасот ќе стане многу поповолен, особено за стопанствениците и со тоа би се намалило загадувањето.