Поради неисплатени полициски услуги, цела општина не може да функционира
Објавено во: Економија 25 Септември, 2018
Општина Сопиште крај Скопје, локална самоуправа која има капацитет да функционира беспрекорно, не може да инвестира во своите проекти затоа што година и пол е со блокирана сметка само затоа што претходниот градоначалник не платил за ангажирање на полициски сили да ја обезбедуваат изградбата на контроверзната водоводна мрежа кон Патишка река.
Станува збор за судска пресуда, по што извршителот интервенирал со блокирање на сметката, а МВР си го бара долгот со натрупани каматаи во висина од неверојатни 78 милиони денари.
Полицајците биле ангажирани од општината пред осум години да и дадат сигурност на изградбата само десетина дена, но вонредните услуги не биле исплатени.