Половина од американските конгресмени се милионери

Добивај вести на Viber

За прв пат во историјата половина од членовите на Конгресот на САД се милионери . Ова го покажува извештајот на асоцијацијата која го истражува влијанието на парите во политиката. Конгресмените милионери се претставници како на Републиканската , така и на Демократската партија. Најмалку 268 од 534 членови на Претставничкиот дом и на Сенатот имале нето приходи од еден милион долари или повеќе во 2012 година - референтна година за даночните пријави во 2013 година. Просечниот приход им изнесувал 1 008 767 долари , покажува анализата. Републиканците и демократите се претставени еднакво со мала надмоќ за демократите , чиј просечен приход бил 1,04 милиони долари спрема 1 милион долари за републиканците . Приходите се зголемиле на годишна основа со 990 000 долари , пријавени во 2012 година од демократите и 907 000 од републиканците . Во 2012 година 257 пратеници или 48% биле со приходи над 1 милион долари. Најбогатиот член на Конгресот е Дарел Иса , републиканец од Калифорнија , кој го има акумулирано својот статус со својот систем против кражба за автомобилите Viper . Тој е со нето приходи меѓу 330 и 598 милиони долари . Најмногу сиромашен е неговиот колега Дејвид Валадао , исто републиканец од Калифорнија , чија семејна млечна фарма има долгови од 12,1 милиони долари .   А.А.