Полицијата поднесе пријава против новинар кој му се заканувал на Христијан Мицкоски
Објавено во: Македонија 20 Април, 2020
Поднесена пријава против Б.Т. кој на 13 април објавил статус со навредлива и заканувачка содржина кон претседател на политичка партија, објави Министерството за внатрешни работи.
„Секторот за компјутерски криминал и дигитална форензика при МВР до Oсновното јавно обвинителство–Скопје поднесе кривична пријава против Б.Т.(68) од Скопје поради постоење основи на сомнение за сторени кривични дела “загрозување на сигурноста“ и „ширење на расистички и ксенофобичен материјал по пат на компјутерски систем“. Имено пријавениот преку социјалната мрежа Фејсбук на 13.04.2020 објавил статус со навредлива и заканувачка содржина кон претседател на политичка партија, стои во објавата.
На тој датум медиумите објавија дека новинарот Бранко Тричковски објавил пост со закани кон лидерот на ВМРО ДПМНЕ, Христијан Мицкоски.