Полицијата почна со опомени за маските, ќе следуваат и казни
Објавено во: Македонија 25 Април, 2020
Полицијата опоменала девет лица кои не носеле маска или друга заштита како што препорача Владата, соопшти МВР.
Во текот на
изминатото деноноќие според статистиката на МВР во целата држава 29
лица не ја почитувале забраната за движење, при што приведени се 23 лица, а за
останатите се земени податоци и ќе следуваат соодветни мерки.
Исто
така според статистичките податоци за
изминатото деноноќие на 84 лица им се издадени решенија за изолација, а ист
број на лица - 84 потпишале изјави за
самоизолација. Од страна на полициски службеници извршени се контроли кај лица
во изолација и самоизолација, не се евидентирани лица кои не ја почитувале
мерката за изолација и самоизолација.
Во државен карантин се спроведени 23
лица.