Петер: Ако кажете „не“, ќе се разниша денарот, банките, нема да има инвестиции
Објавено во: Економија 25 Септември, 2018
Македонија ќе ја изгуби кредибилноста, граѓаните ќе ја изгубат вербата во иднината, ќе има иселувања. Ова е ставот на Штефан Петер, претседател на Советот на странски инвеститори при Стопанската комора на Македонија. Тој зборуваше за евроатланските перспективи на земјава, па рече дека ако граѓаните кажат „Не“ за влез на Макеоднија во ЕУ и НАТО ќе се стави под знак прашилник и стабилноста на денарот, стабилноста на домашниот банкарски сектор.
„Ако младите и децата немаат верба во иднината ќе се зголеми иселувањето. Најпаметните ќе избегаат, ќе дојде до изолација на земјата. Од финансиски аспект, потенцијални милијарда евра нема да дојдат во Македонија, затоа што голем број земји биле поддржани со финансиски проекти во Унијата. Ако кажете не ќе биде тешко да се задржи стабилноста на денарот, стабилноста на банките, нема да има заеднички договори за трговија, а домашните компании ќе ја загубат својата конкурентност, нема да има странски инвестиции, рече Петер.
Според него, ЕУ е најуспешниот проект на европскиот континент на 21 век. Вели дека успех е мир, безбедност, стабилност и просперитет. Додаде дека ниту еден договор не траел подолго од тој на ЕУ.