Печалбарите ќе си дојдат летово, се очекува наплив на свадби
Објавено во: Македонија, Корона Вирус 16 Јуни, 2021
Откако мерките се олабавeни, а свадбите дозволени, се очекува дека ова лето печалбарите ќе си дојдат во земјава и ќе има поголем број на свадби, нешто што лани го немаше.
Угостителите во западна Македонија се оптимисти и едвај чекаат сѐ да се врати во нормала. Најважно за нив е да се дозволат свадби во затворен простор. Велат дека луѓето веќе се јавуваат, прашуваат за организирање на веселби.
„Очекуваме состојбата да се среди и од 1 јули веќе да имаме гости. Се враќаат гастарбајтерите од Италија, Швајцарија, Германија, Австрија, а свадби може да се организираат секој ден“, велат од ресторанот „Деде Бег“ од Гостивар.
Угостителите во соседниот град, Тетово објаснуваат дека многу од младите ги одложиле свадбите за период кога пандемијата ќе стивне, и сметаат дека ова лето ќе има доста работа.
„Нема да биде како пред пандемијата, кај луѓето ќе има страв и тоа е нормално, но има младенци кои ги одложија свадбите токму поради вирусот и сега ќе се решат за прослава. Би требало да биде ударно од 15 јули до 30 август“, додаваат од ресторан во околината на Тетово.
Насер Хавзија од Здружението кулинарија ХоРеКа вели дека ако пред месец дена имаше јасни критериуми под кои услови може да има свадби, сега ќе беше полесно и за нив и за граѓаните.
„Луѓето се јавуваат, прашуваат, а ние чекаме да видиме какви насоки ќе даде Владата. Ова лето очекуваме да има 50 отсто од бројот на свадби кои ги имало претходно, но не повеќе од тоа, затоа што луѓето се плашат, се чувствуваат несигурни, едноставно пандемијата промени сѐ. Печалбари доаѓаат од секаде, но најголем дел се од Швајцарија. Очекувам дека месец дена, односно во јули ќе има работа. Но, има и луѓе кои свадбите ги одложија за 2022 година“, рече Хавзија.
Во источниот дел постои мала скептичност по ова прашање. Велат дека многу е неизвесно за да се даде прогноза како ќе поминат ова лето и дали ќе имаат веселби.
„Интересот засега е слаб. За нас не е проблем, ние за 3 дена ќе ја организираме свадбата, но на оние кои прават свадба им треба повеќе време да се подготват. Пред пандемијата во летото имаше свадби, печалбарите се враќаа претежно од Италија, а лани немаше свадби поради пандемијата“, објаснуваат од Хотел „Македонија“ во Делчево.
Месецов во матично има наплив на барања за венчавки. Дневно стигнувале и до 30 барања за склучување на брак.
Владата вчера донесе заклучок да се дозволи одржување на настани на отворено со 50 отсто од капацитетот на просторот каде што ќе се одржува настанот и ограничен број на посетители до максимум 1.000 посетители.Сања Атанасовска
foto freepik
Можеби ќе ве интересира
ПОЧИНА ЕДЕН ОД ОМИЛЕНИТЕ ПРОФЕСОРИ НА МАКЕДОНСКИТЕ АКТЕРИ ШТО СТУДИРАЛЕ ВО СОФИЈА, АЛЕКСАНДАР ИЛИЕВ: „За сите кои бевме дојдени од странство за да студираме во Софија, се грижеше како за свои деца“
„ЗА РАЗЛИКА ОД МЕНЕ, ТИЕ ПРЕД ОЧИТЕ НА ЦЕЛА МАКЕДОНСКА ЈАВНОСТ ИЗЛЕГОА ВО АЛКОХОЛИЗИРАНА СОСТОЈБА“:Јакимовски му возврати на Муцунски заради неговиот коментар за малиот број гласови на Стевчо
„НОЌЕВАЊЕ ВО ОХРИД ЗА ДВЕ ИЛЈАДИ ДИНАРИ“: Еве како српски „Б92“ им го претстави македонскиот бисер на Србите
АНДРЕЈ ПЕТРОВ:Признаваме дека ВМРО ДПМНЕ направи подобар резултат
ОСМАНИ ПОБЕДИ ВО БЕРЛИН И МИНХЕН, ПЕНДАРОВСКИ ВО ВАШИНГТОН, А ТЕСНА БИТКА СЕ ВОДЕЛА МЕЃУ СИЛЈАНОВСКА И ВАНКОВСКА ВО ЉУБЉАНА: Како гласаше македонската дијаспора?
КАКВО ВРЕМЕ ЌЕ ИМАМЕ ВО МАЈ, ЈУНИ И ЈУЛИ?: Очекуваме за степен до два повисоки температури од вообичаените, но ќе растат условите и за временски непогоди
„СДСМ КО ЕДВАЈ ДА ЧЕКАШЕ ДА ИЗГУБИ“: Колозова во нејзин стил, вели нема кој да не вади од паланкава
ФАКТОР НА ДЕНОТ: Се сумираат резултатите од изборите, Силјановска со голема разлика пред Пендаровски
ХАЈРЕДИНИ: Што ќе се случи ако Македонците се обединат?
