Партизанска полигон за дивеење на возила и мотори: Три лица повредени синоќа во една сообраќајка

Добивај вести на Viber

Tри лица беа повредени во сообраќајка што се случи синоќа на крстосницата на булевар „Партизански одреди“ и булевар „8 Сетември“ во Скопје. Полицијата соопшти дека во сообраќајната незгода учествувале три возила Мерцедес, Хонда и БМВ, сите со скопски регистарски таблици. 

Двајца од повредените се пренесени во комплексот клиники „Мајка Тереза“, а еден во болницата „Свети Наум Охридски“.

На булеварот Партизански одреди речиси секоја вечер има сообраќајни незгоди. Граѓаните кои живеат таму се жалат, ама и барат реакција од надлежните. Да се најде начин да се запре брзото возење, впрочем полицијата ревносно да се занимава со тоа и да се почитува законот и ограничувањата. Пред извесно време беше соопштено дека имало дури и трки со мотори кои беа санкционирани

„Со беснилото и несовесното однесување зад волан што се случува на „Партизански одреди“ сериозно треба да се позанимаваат полицијата, судовите, психолозите, медиумите и многу други. Убијци и камикази на секој чекор! Не е ова тема за сервисно информирање, не е ова вест што има нула употребна вредност, како многу други. Ова е тема за проучување и длабински анализи.

Најмал проблем е да се утврди нивото на сообраќајна култура, а најголем е да се смени тоа ниво. Законот служи да се почитува, но како да се почитува кога не се знае што е сообраќајот и какви се неговите правила!?! Досега слободно владее законот на појакиот, напиша синоќа на Марина Тунева, Совет на етика во медиумите.