Добивај вести на Viber
Инвестициите во деловен простор во Италија останаа "парализирани" во првите девет месеци од годината, покажуваат податоците на компанијата за недвижности „BNP Paribas Real Estate“ (BNPPRE), пренесува „Property Investor Europe“.
Во третото тримесечје е забележана најниска продажба во историјата само 307 милиони евра, а во текот на целата година вредноста на трансакциите ќе достигне до најмногу 2 милијарди евра, што е за половина помалку од просекот за последните три години.
Според податоците на компаниите, само во Милано над 11% од објектите не можат да се продадат. Влошувањето на економската и финансиска состојба на Италија и Европа имаше силно негативно влијание врз инвестициите во недвижности.
Иако оваа ситуација создаде очекувања за корекција на цените, тоа не се случи. Сопствениците не сакаат да ги намалуваат цените туку чекаат подобри времиња.
„Резултатот од сето ова е блокиран пазар со многу малку трансакции", велат од BNPPRE.