Папачелас: Грците се уморни и понижени, постои опасност од националистички лидер

Добивај вести на Viber

Алексис Папечалас, главниот уредник на грчки Катимерени, во новата колумна предупредува дека со навлегувањето во посериозно решавање на спорот за името постои опасност на политичката сцена во Грција да излезе нов популист кој со максималистичка реторика би добил голема поддршка од радикалното и националистичкото гласачко тело, па дури и би ги поразил големите партии кои би прифатиле одреден вид на компромис со нивниот сосед.

Папечелас генезата на проблемот го гледа уште во почетокот на 90-тите години и поставување на опасната позиција со максимата дека Македонија е Грчка и дека нашата земја не смее да го користи терминот „Македонија“ што ниту тогаш ниту сега не е реално и е извор на целиот популизам во грчката политика.

„Во случајот за спорот за името со Поранешната Југословенска Република Македонија грчките лидери беа погрешно водени од сентименти во 90-тите години. Не дека не можеа да кажат дека грешат. Всушност, повеќето од политичките лидери во земјата меѓу кои поранешниот лидер на Комунистичката партија Алека Папарига зазедоа прагматичен став, но никој не сакаше на плеќа да го носи товарот дека ги предал интересите на земјата“, пишува Папечелас.

Според него, токму популизмот довел до позиција од која нема излез без да се плати голема политичка сцена, без оглед која и да е партија на власт, па затоа и го предупредува актуелниот премиер Алексис Ципрас да не биде преголем оптимист за изнаоѓање на конечно решение на спорот за името.

Папечелас вели дека Грците се уморни и понижени од досегашните политики, особено со условите кои им се наметнаа за штедење и исплата на меѓународните долгови, што сега многумина го толкуваат како теорија на заговор за да се изврши голем притисок врз Грција конечно да направи компромис во односите со соседите но секако е многу популарно мислење кое се зема како вистинито кај народот.