ОСУМГОДИШНО ДЕВОЈЧЕ Е ЕДИНСТВЕНАТА ПРЕЖИВЕНА - страшна несреќа во Јужна Африка: 45 лица загинаа при пад на автобус од мост (ВИДЕО)
Објавено во: Свет 29 Март, 2024
Најмалку четириесет и пет лица загинаа во страшна несреќа што се случи вчера во Јужна Африка, додека само едно осумгодишно девојче преживеа.
Имено, девојчето била единствената која го преживеала падот на автобусот во провалија, откако возачот изгубил контрола и прво се судрил со бариерите на мостот во североисточната провинција Лимпопо, соопшти Министерството за транспорт.
Според извештаите, тој слетал на карпеста површина на околу 50 метри под мостот, познат како премин Маматлакала, пред пламенот да го зафати возилото.
Патничкиот автобус превезувал аџии од Боцвана, земја во јужна Африка, до Морија, град во Лимпопо, на црковни служби за Велигденскиот викенд.
- Спасувачките операции продолжија до доцна вечерта, бидејќи некои тела изгореа до непрепознатливост, а други беа заробени во урнатините и расфрлани на лице место - соопштија од Одделот за транспорт во Лимпопо.
Автобусот бил со боцвански регистарски таблички, соопштија локалните власти, но националноста на патниците сè уште се проверува.
На социјалните мрежи се пренесува дека бројот на загинати може и да достигнува 60 лица.
Неколку часа пред несреќата апелираа на внимателност
Министерката за транспорт Синдисиве Чикунга, која го посети местото на несреќата, им изрази сочувство на семејствата на загинатите и на владата на Боцвана, додавајќи дека се истражува причината за несреќата.
Over 45 people have been declared dead, following a horrific crash. The bus they were travelling in plunged at Mamatlakala bridge and caught fire at Ga-Mmamatlakala area in the Waterberg District on Thursday morning. The bus was travelling from Botswana to Moria pic.twitter.com/HOmhCpigPD
— Jacob Kelebeng (@KalaharianSon) March 28, 2024
Несреќата се случила на главниот мост што поврзува два рида во близина на Ммаматлакала, на околу 290 милји од Јоханесбург.
Иако Јужна Африка има една од најразвиените патни мрежи на африканскиот континент, таа исто така има ужасно досие за безбедност на патиштата. Само неколку часа пред несреќата, претседателот Кирил Рамафоса ги повика Јужноафриканците да внимаваат кога патуваат за време на Велигденската недела.
About 60 lives lost on the mamatlakala road pic.twitter.com/FLdg6RJM8r
— TR (@Tlou_regi) March 28, 2024
Фото: Принтскрин/Твитер
Можеби ќе ве интересира
ЗА НАПАДОТ ВО МОСКВА: Руската полиција уапси уште еден Таџикистанец
ПОЧИНА БЕБЕТО КОЕ ЛЕКАРИТЕ ВО ГАЗА ГО ИЗВАДИЈА ОД УТРОБАТА НА УБИЕНАТА МАЈКА: По неколку дена се јавиле сериозни здравствени проблеми
ПИШУВАЛА АНТИВОЕНИ ГРАФИТИ: Руска тинејџерка е осудена на 3.5 години затвор
Ќе бидат потребни 14 години да се отстранат урнатините во Појасот Газа, вели официјален претставник на ОН
КИНА И САД ТРЕБА ДА БИДАТ ПАРТНЕРИ, НЕ РИВАЛИ: Кси Џинпинг го пречека Блинкен
„КРАЛОТ ЧАРЛС Е ВО МНОГУ ПОЛОША СОСТОЈБА ОТКОЛКУ ШТО СЕ ПРИКАЖУВА ВО ЈАВНОСТА“: Погребот активно се планира
Официјално: Тенковите „Абрамс“ тргнати од првата борбена линија
НАЈГОЛЕМИТЕ ЕКОНОМИИ ГИ ПОДБРАА БОГАТАШИТЕ: Милијардерите да плаќаат даноци за да ја надоместат штетата на светот
ЌЕ ГИ ОГРАНИЧАТ ОДНОСИТЕ СО ПУТИН: Европскиот парламент ги прогласи изборите во Русија за нелегитимни
