Осум години казна затвор за Сашо Мијалков за „Трезор“
Објавено во: Македонија 13 Април, 2021
За поранешниот шеф на тајната полиција Сашо Мијалков првостепено е пресудена вкупна казна затвор од осум години за случајот „Трезор“, Горан Грујевски, инаку недостапен за прогонот, доби 15 години, Небојша Стајковиќ пет години, за Тони Јакимовски одредени се исто така пет години. На правното лице „Финзи“ му се конфискува имот од 10.980.000 денари.
Кривичниот суд утврди дека Сашо Мијалков стои зад компанијата „Фензи“ од САД, која не би била конкурентна во набавката на комуникациска опрема доколку не биле раководителите на поранешното Управа за безбедност и контраразузнавање..
Утврдена е голема заработка од 870.000 евра преку голема разлика меѓу набавната и продажната цена за набавувачот „Финзи“ на електронска и комуникациска опрема од производителот „ГАМА“, преку која директно одела набавката. Останатат сума од штетата осудените треба да ја вратат во буџетот, одлучи судот, по правосилноста на пресудата.
Предметот „Трезор“ се однесува на злоупотреба на средства од Буџетот на државата за набавка на електронско-комуникациска опрема за потребите на Петтата управа при УБК и обука за нејзино користење од фирма од Велика Британија.
Во „Трезор“ првообвинет неше поранешниот директор на УБК Мијалков, како и поранешниот шеф на неговиот кабинет Јакимовски, поранешниот помошник-министер во МВР Стајковиќ, и поранешениот началник на Петтата управа во МВР Грујевски. Тројца се товарат за злоупотреба на службената положба и овластувања, а Јакимовски за помагање.
Во завршниот збор, Обвинителството истакна дека наместо МВР да направи директна набавка на електронско-комуникациска опрема за потребите на Петтата управа при УБК од фирмата ГАМА од Велика Британија, како најекономичен начин, тие договориле набавката да се изврши преку друга фирма – посредник Финзи ДООЕЛ Скопје, со што успеале да злоупотребат средства од буџетот на државата.
Случајот „Трезор“ го води судијката Џенета Бегтовиќ, а застапник на обвинението е ОЈО за организиран криминал, кое го презема предметот од поранешното СЈО.