Основачот на Дизел ја купи италијанската модна куќа Марни
Објавено во: Стил 25 Декември, 2012
Основачот на Дизел, Ренцо Росо стана мнозински сопственик и на италијанската модна куќа Марни, пишуваат француски медиуми.
Со својот холдинг „ОТБ“, Ренцо Росо кој е мнозински сопственик на куќата Мартин Маргиела и на Виктор и Ролф, со мнозински капитал влезе во компанијата Марни која ја основаа брачната двојка Консуело и Џани Кастиљони во 1994 година.
Брачната двојка Кастиљони, кои водат стотици продавници во светот, три месеци барале инвеститири. Ренцо Росо со капитал од 1,3 милијарди евра, сега има можност да ја зачува италијанската марка и нејзиниот препознатлив стил.
