Османи: Кризниот штаб чека повици од луѓето во Израел за евакуација
Објавено во: Македонија 14 Април, 2024
По нападот на Иран врз Израел, министерот за надворешни работи Бујар Османи истакна дека првата одлука што ја донел денеска е формирање на Кризен штаб, кој ќе служи и за евакуација на граѓаните кои се наоѓаат во Израел.
„Аеродромот во Тел Авив беше отворен утринава, но само за ограничен превоз. Кризниот тим што го формирав утрово сега врши идентификација и прима повици од луѓе. Не можеме да знаеме каде е секој турист во моментот, па затоа ги дадов телефонските броеви за сите оние кои се на Блискиот Исток и сакаат да се вратат дома да се јават во нашите амбасади или во МНР за да можеме да им договориме превоз. “, рече Османи.
Шефот на македонската дипломатија го повика шефот на државата Стево Пендаровски да го повика Советот за безбедност. Според Османи, тие заедно со раководствата на политичките партии треба да комуницираат за последиците од војните кои ќе создадат бегалски бран кој може да ја дестабилизира државата.
„Ги повикувам и претседателот на државата да го повика Советот за безбедност, вклучително и лидерите на опозицијата и сите партии, бидејќи помасовна ескалација на Блискиот Исток може да предизвика бран бегалци кои секако ќе го искористат Балканот. значи и Република Северна Македонија со сите можни последици и оттука мора да го зголемиме отпорот на државата кон ваквите предизвици“, рече Османи.