Добивај вести на Viber
Балканскиот „Ориент Експрес“, поточно железничката линија Белград-Скопје-Солун од денес нема да биде во функција и меѓународниот воз со огромна традиција нема да превезува патници. Причината за тоа е изведување на градежни работи на железничката пруга во Србија и меѓународната линија ќе биде во прекин се до наредната година кога возниот ред ќе го усогласат „МЖ Транспорт“, „Србија воз“ и „Trainose“ - Грчки железници.
Возот Ориент Експрес инаку е воведен далечната 1883-та кој ја поврзувал речиси цела Европа од Париз, преку Виена до Истанбул, а низ годините повеќе пати се менувале рутите. Ова име е искористено и за книга на англиски патеписец кој ја опишува борбата на ВМРО по Илинденското востание, но зачудува што таа никогаш не е преведена на македонски.