Добивај вести на Viber
Американската ТВ водителка Опра Винфри, секогаш беше на врвот на топ листите на најбогати ѕвезди во шоу-бизнисот, но повеќе не е така.
"Huffington Post" пишува дека Опра е симната на петтото место од страна на Џулија Луис-Дрејфис, која е најпозната по улогата на Илејн, во хумористичната серија "Sienfeld". Нејзиното богатство се проценува на 3 милијарди долари, што е за 300 милиони повеќе од Опра.
Но, богатството на Џулија не се должи само на заработката од снимањата, важно е да споменеме дека таа воедно е и богата наследничка, а нејзината фамилија има милијарди.
Воедно, глумицата се наоѓа на четвртото место, веднаш под славниот режисер Стивен Спилберг, кој исто така заработи 3 милијарди.
Сепак, на првото место убедливо води режисерот Џорџ Лукас со заработка од 7,3 милијарди долари заради продажбата на франшизата "Star Wars" на студиото "Disney".
Листата на 10-те најбогати шоумени изгледа вака:
1. Џорџ Лукас: 7,3 милијарди долари
2. Дина Мерил: 5 милијарди долари
3. Стивен Спилберг: 3 милијарди долари
4. Џулија Луис-Дрејфис: 3 милијарди долари
5. Опра Винфри: 2,7 милијарди долари
6. Џејми Гертц: 2 милијарди долари
7. Ендру Лојд Вебер: 1,2 милијарди долари
8. Мерв Грифин: 1 милијардa долари
9. Џеј Кеј Роулинг: 1 милијардa долари
10.Џери Сајнфилд: 800 милиони долари