ПОРАДИ МИГРАНТИТЕ
ОПАСНИ СЕ: Места во Европа кои треба да ги избегнувате
Објавено во: Свет 23 Септември, 2016
Унгарските власти издадоа детална карта на која се означени околу 900 опасни места во Европа, за кои препораката е да не се посетуваат.
Причината е дека во сите овие области има сериозно население од мигранти. Листата ги вклучува Лондон, Париз и Берлин.
Активностите на унгарските власти сепак предизвикаа остра реакција на некои земји од Европската унија. Од почетокот на миграционата криза унгарскиот премиер Виктор Орбан е критикуван од европските лидери поради грубиот и агресивен тон против бегалците.
Неговата земја дури одби да засолне и еден мигрант според планот на Брисел за справување со оваа криза. Орбан дури организира референдум на 2 октомври, во обид да добие одобрение од унгарските државјани против задолжителните квоти за раселување на мигранти меѓу земјите членки на заедницата.
Претходно денеска унгарскиот премиер изјави дека сите нелегални имигранти во ЕУ треба да бидат депортирани во специјално изградени бегалски кампови за таа цел надвор од рамките на блокот. Според него тоа може да се направи на остров или крајбрежен регион на Северна Африка, но обезбедувањето и снабдувањето треба да бидат гарантирани од ЕУ во името на сопствениот интерес на Унијата.
Во меѓувреме скандинавските земји ја повикаа ЕУ да преземе мерки против Унгарија поради нејзината неподготвеност да регистрира азил.