ОН усвои резолуција за 30-дневен прекин на огнот во Сирија
Објавено во: Свет 25 Февруари, 2018
Со едногласна одлука Советот за безбедност на Обединетите Нации ја одобри резолуцијата, со која се бара 30-дневен прекин на огнот на целата територија на Сирија, со цел доставување на хуманитарна помош и евакуација на болни и повредени лице.
Со усвоениот текст „се бара од сите страни веднаш да ги прекинат воените дејствија во Сирија во период од најмалку 30 денови“, откако во текот на изминатата недела при воздушни удари во Источна Гита загинаа над 500 лица.
Целта на оваа резолуција е да се обезбеди можност за доставување на хуманитарна помош на населението, како и за евакуирање на болните и повредените.
Со резолуцијата е побарано и да се запре опсадата во Источна Гута, Јармук, Фуја и Кефраја, регионите во кои е забележана алармантна криза. Примирјето не ги опфаќа воените операции против Исламската држава, Ал Каеда и другите терористички групи.
Нацрт-резолуцијата за примирјето ја предложија Шведска и Кувајт.
Според сирискиот центар за набљудување на човековите права, повеќе од 500 цивили се убиени во седумдневното бомбардирање на бунтовничкиот бастион во Источна Гута. Од нив, повеќе од 120 биле деца.
Можеби ќе ве интересира
ПОЕТ И ОСНОВАЧ НА ЛИТЕРАТУРЕН КЛУБ ПУКАШЕ ВО ФИЦ: Легално го поседувал пиштолот
ФИЦО СЕ БОРИ ЗА ЖИВОТ: Човекот кој пукаше во него е писател
ГЕРМАНЦИТЕ ВО ШОК И КАУФЛАНД ЗАТВОРА: Дел од неговите филијали во Германија заминуваат во историјата
Зеленски ја откажа посетата на Шпанија и Португалија
МНОГУ СЕ ОБИДУВАА ДА МЕ УБИЈАТ, ГЛАВАТА МИ ВРЕДЕШЕ 4 МИЛИОНИ ДОЛАРИ Исповед на синот на Пабло Ескобар - ова беа последните зборови на неговиот татко
БЛАГОДАРЕНИЕ НА НЕГО, НОРВЕЖАНИТЕ ЗНААТ КАДЕ ИМ СЕ ПАРИТЕ: Кој е Николај Танген?
