Омикрон е присутен во 11 држави во ЕУ
Објавено во: Свет, Корона Вирус 01 Декември, 2021
Досега се регистрирани 59 случаи на омикрон во 11 земји членки на ЕУ.
Европскиот центар за превенција и контрола на болести (ЕЦДЦ) пресмета колку заразени имаме на европско тло. По четири случаи има пријавено и во Данска и Италија, по три во Австрија и Шведска, по два во Белгија и Шпанија и еден во Чешка, како и по еден на островот Реунион во Индискиот Океан, што е дел од Франција. Експертите се загрижени дека омикрон се проширил многу подалеку отколку што е досега потврдено. Засега, ниту еден од случаите не предизвикал сериозна болест или смрт. Овој сој се појави во Јужна Африка. Поради омикрон повторно има рестрикции во патувањата.