ОИЛКО пред Нова година си откупи сопствени акции

Добивај вести на Viber

Нафтената компанија ОИЛКО изврши откуп на сопственици акции преку Македонска берза, што е втор ваков потфат годинава иако сега со многу помал обем.

„ОИЛКО КДА Скопје, со седиште на ул. 10 бр. 152 Миладиновци - Илинден, на ден 06.12.2017 година изврши откуп на 35 сопствени акции, согласно Одлуката на Собранието на акционери донесена на Седницата одржана на ден 15.06.2017 година. Досега откупените 1.508 сопствени акции преставуваат 0,60% од основната главнина на Друштвото“ стои во соопштението објавено на Македонска берза.

Просечната вредност на акциите на ОИЛКО изнесува 6000 денари, со 281,71 денари добивка по акција и дивиденден принос од 1,50%. ОИЛКО во последните три години доделуваше дивиденди.

Да потсетиме дека во јуни ОИЛКО го изврши „грото“ од откупот на сопствени акции. Тогаш беше донесена одлука пдд распоредените средства за посебни резерви за купување на сопствени акции, во износ од 15.000.000 денари, да се купат најмногу 5.000 сопствени акции, или 2% од основната главнина на Друштвото, по најниска просечна цена за една акција од 3.000 денари, а по највисока просечна цена за една акција од 6.000 денари.