Добивај вести на Viber
Авиокомпанијата „Катар Ервејс“ на 19 јули организира интервјуа за регрутација на кабински персонал (стјуарди и стјуардеси) од Македонија. Од потенцијалните кандидати се бара да бидат стари најмалку 21 година, да имаат досег со рацете од 212 сантиметри, најмалку средно образование со течно говорно и писмено изразување на англиски јазик, одлично здравје и физичка подготвеност.
Потребно е да се подготвени да се преселат во Доха, Катар, да се отворени и комуникативни, како и способни да работат во мултинационален тим.
„Како национален авиопревозник за државата Катар, сакаме на најдобар можен начин да ја одразиме топлината и великодушната гостопримливост на Катар. Вечера во Париз, ручек во Њујорк, доручек во Монтреал, додека го обиколкувате светот на висина од 40.000 стапки во едни од најмодерните авиони во светот - ова дефинитивно не е вашата вообичаена канцелариска работа. Катар Ервејс е позната како глобална авиокомпанија со пет ѕвездички, која ги предизвикува воспоставените норми и претставува лидер во авионските услуги“, стои во огласот на оваа компанија.
Пријавувањето трае до 18 јули, а деталите за тоа како да се пријавите и што е потребно за апликација, на следниот
ЛИНК.