Одекнаа нови „бомби“, МВР и СЈО во незгодно
Објавено во: Македонија 19 Април, 2019
Нови два прислушувани разговори именувани како „Комитети“ и „Стојменов и Јово Превара“ се објавени денеска на руската социјална мрежа vk,com преку „Илија Громовник“, а МВР, СЈО и ОЈО веќе најавија истраги пред претседателските избори.
Во првата „бомба“ се слуша како двајца мажи се договараат за предупредување дека на одреден протест не треба да излегуваат членовите на ВМРО-ДПМНЕ затоа што биле забележани луѓе со фантомки, додека во вториот разговор именуван како „Стојменов и Јово превара“се слуша како двајца мажи разговараат за бришење на казна која ја одредила УЈП и промена на некоја пресуда.
„Согласно надлежностите започната е истрага во врска со објавените телефонски разговори. За текот на истрагата јавноста дополнително ќе биде информирана“, објавија денеска од МВР. за „Фокус“.
Од СЈО велат дека разговорите не протекле од нивната институција и ќе проверат дали овие бомби ги имаат во нивните материјали.
– Гарантираме дека материјалите не се излезени од кај нас. Ние ги чуваме со највисок степен на заштита – велат оттаму.Инаку прислушкуваните разговори кои потекнуваат од нелегалното прислушување во периодот од 2008 до 2015 година, тогаш нивното објавување е забрането според Законот за заштита на приватноста донесен во 2015 година.