Обезбедувањето на Трамп им го загорчи шопингот во неговата кула
Објавено во: Свет 17 Ноември, 2016
Трамп кулата во Њујорк на 5-тата авенија на Менхетен во Њујорк, со години беше едно од омилените места за шопинг на елитата, но откако Доналд Трамп е избран за претседател местото врие од обезбедување.
Припадниците на тајната служба строго го контролираат пристапот до Трамп кулата и се прават постојани безбедносни проверки со цел да се заштити избраниот претседател кој го одбра ова место за привремена резиденција додека не положи заклетва и не се пресели во Белата куќа во Вашингтон во јануари.
Дополнителен предизвик се и демонстрантите кои својот револт за изборот на Трамп го изразуваат токму тука, па сообраќајот и движењето се ограничени. Главните „лозинки“ се Гучи или Армани, па доколку полицајците потврдат дека се работи за купувачи ќе добијат слободен пристап во кулата, но не смеат премногу да се „врткаат“ на отворено.